KOTLLORJA

Kotllorja ishte një nga objektet teknike që mundësonin funksionimin e sistemit industrial të Kripores.

Këtu prodhohej energjia termike e nevojshme për faza të caktuara të përpunimit dhe për funksionimin e reparteve ndihmëse.

Kotllorja, ashtu si edhe magazina e karburantit, ishte pjesë e sistemit për prodhimin “industrial” të kripës, pra për prodhimin që nuk varej nga kushtet e motit gjatë verës.

Ashtu si shumë objekte të tjera industriale, kotllorja funksiononte larg syve të publikut, por roli i saj ishte i rëndësishëm për ruajtjen e vazhdimësisë së prodhimit.

Sot, ajo përfaqëson një pjesë të trashëgimisë teknike të Kripores dhe na kujton kohën kur makineritë, energjia dhe dija njerëzore së bashku e mbanin fabrikën gjallë.