Kriporja e Ulqinit nga 4 deri më 8 shtator do të jetë sërish vend takimi i natyrës, kulturës, trashëgimisë, komunitetit lokal dhe bisedave për të ardhmen. Edicioni i pestë i BirdSaltPeople:FEST këtë vit mban emrin +5BirdSaltPeople:FEST, sepse përveç pesë ditëve program sjell edhe një ngjarje të veçantë ndërkombëtare – Forum Solana.
Festivali që lidh zogjtë, kripën dhe njerëzit do të mbahet në Parkun e Natyrës „Kriporja e Ulqinit“, përmes një programi që përfshin punëtori, koncerte, filma, ture birdwatching, ditë tregu, ekspozita, biseda dhe shkëmbim ndërkombëtar përvojash mbi të ardhmen e kriporeve.
Shenja + e këtij viti nuk është aty rastësisht. Ajo shënon Forum Solana, një takim ndërkombëtar kushtuar kriporeve, mbrojtjes, rikthimit dhe të ardhmes së tyre, i cili do të mbledhë në Kriporen e Ulqinit përfaqësues të kriporeve nga Mesdheu.
Pesë ditë program në Kriporen e Ulqinit
04 shtator / E premte
Hapja e laboratorit për vizita dhe koncert
Festivali fillon me hapjen e laboratorit për vizita, një hapësirë e re përmes së cilës vizitorët do të mund të njohin trashëgiminë e Kripores së Ulqinit, historinë, punën, kripën, hapësirën dhe njerëzit që e kanë formësuar atë.
Mbrëmja e parë e festivalit sjell edhe një koncert ethno jazz në ambientin unik të Kripores.
Programi:
18:30 Hapja e laboratorit për vizita
20:00 Koncert – Ethno Jazz
05 shtator / E shtunë
Save the Ocean, Salina Cinema dhe Panel Green Agenda
Ditën e dytë të festivalit, programi vazhdon përmes një ndërthurjeje të artit, filmit dhe bisedave për mjedisin.
Publiku do të ketë mundësinë të shohë ekspozitën Save the Ocean, pas së cilës vijon Salina Cinema dhe premiera e filmit dokumentar „Vitet e helmimit“, me regji të Mladen Ivanović, me Aleksandar Dragičević si protagonist kryesor.
Pas shfaqjes së filmit do të mbahet Panel Green Agenda, kushtuar çështjeve të mbrojtjes së hapësirës, qëndrueshmërisë dhe të ardhmes së vlerave natyrore që na bashkojnë.
Programi:
19:00 Save the Ocean – ekspozitë
19:45 Salina Cinema – premiera e filmit dokumentar „Vitet e helmimit“
Pas shfaqjes së filmit: Panel Green Agenda
06 shtator / E diel
Punëtori, birdwatching dhe Market Day
Dita e tretë e festivalit i kushtohet natyrës, kreativitetit dhe komunitetit lokal.
Punëtoria e përgatitjes së sapunëve me kripë, të cilën e udhëheq Ela Redžepagić – Ela Magic, sjell një nga suvenirët e parë të frymëzuar nga Kriporja e Ulqinit. Sapunët do të përgatiten nga kripa e korrjes së fundit në Kripore, duke e kthyer një pjesë të trashëgimisë së saj në një objekt të vogël, autentik, që mban historinë e kësaj hapësire.
Të njëjtën ditë do të organizohet një tur birdwatching me Reborn by Adventures, si dhe Market Day at Ulcinj Salina, ku do të prezantohen produktet lokale, prodhuesit dhe komuniteti.
Programi:
16:30 Punëtori – përgatitja e sapunëve nga kripa me Ela Redžepagić – Ela Magic
17:30 Birdwatching me Reborn by Adventures
17:30 Market Day at Ulcinj Salina
07 shtator / E hënë
Punëtori për përgatitjen e letrës, birdwatching, performancë muzikore dhe ekspozita „Revitalizimi“
Dita e katërt e festivalit hapet me punëtorinë e përgatitjes së letrës nga fibrat, në bashkëpunim me Atelie Propuh. Letra do të përgatitet nga fibrat e një specieje bimore invazive që rritet në Kripore, duke e kthyer një nga sfidat e kësaj hapësire në material për punë kreative dhe një formë të re interpretimi.
Programi vazhdon me turin birdwatching me Reborn by Adventures, performancën muzikore të Stefan Kostić, si dhe ekspozitën dhe prezantimin e punimeve master me titull „Revitalizimi“.
Punimet e Ana Mandić-Huber, Genci Hollaj dhe Anđela Bubanja e paraqesin Kriporen e Ulqinit në një mënyrë të re, përmes ideve bashkëkohore, mendimeve hapësinore dhe mundësive për një kuptim ndryshe të rëndësisë së saj industriale, natyrore dhe shoqërore.
Programi:
16:30 Punëtori – përgatitja e letrës nga fibrat me Atelie Propuh
17:30 Birdwatching me Reborn by Adventures
18:30 Performancë muzikore – Stefan Kostić
19:00 Ekspozitë dhe prezantim „Revitalizimi“
Punimet: Ana Mandić-Huber, Genci Hollaj dhe Anđela Bubanja
08 shtator / E martë
Forum Solana
Dita përmbyllëse e festivalit i kushtohet Forum Solana, një takim ndërkombëtar i përfaqësuesve të kriporeve nga Mesdheu.
Forumi do të mbledhë përfaqësues të Saline Conti Vecchi nga Italia, Salina La Esperanza nga Spanja dhe Solana Pag nga Kroacia, me qëllim shkëmbimin e përvojave mbi mbrojtjen, rikthimin, menaxhimin dhe të ardhmen e kriporeve si hapësira unike të trashëgimisë natyrore, kulturore dhe industriale.
Pikërisht Forum Solana i jep kuptim shenjës + të këtij viti. Prandaj ky nuk është vetëm edicioni i pestë i festivalit. Ky është +5.
Programi:
10:00–17:30 Forum Solana
Kriporja si vend takimi
Nga MSJA theksojnë se festivali nuk është vetëm një ngjarje kulturore, por vazhdim i punës afatgjatë që Kriporja e Ulqinit të bëhet sërish pjesë e rëndësishme e identitetit të Ulqinit dhe Malit të Zi.
Kriporja nuk ruhet vetëm me vendime. Ajo ruhet edhe duke iu afruar përsëri njerëzve, duke u hapur për vizita, duke u interpretuar përmes historive, duke u lidhur me komunitetin dhe duke u paraqitur si hapësirë e dijes, kulturës, natyrës dhe përgjegjësisë së përbashkët.
Informacione
Organizator i festivalit është MSJA, me mbështetjen e partnerëve dhe donatorëve: Bashkimit Evropian në Mal të Zi, Shtëpisë Evropiane, Komunës së Ulqinit, Fondacionit Heinrich Böll, Organizatës Turistike të Ulqinit, Argos Tourist, GEF-it, Ministrisë së Ekologjisë, Zhvillimit të Qëndrueshëm dhe Zhvillimit të Veriut, UNDP-së, Fondit për Mbrojtjen e Mjedisit (Eko-fondit), EuroNatur, JPMD-së, Montenegro Experte, L&G Design, Golbi Print dhe Reborn by Adventures.
5+ BirdSaltPeople:FEST
📍Parku i Natyrës „Kriporja e Ulqinit“
📅 04–08 shtator 2026
Programi i festivalit sipas ditëve do të jetë i disponueshëm në profilet zyrtare të MSJA dhe BirdSaltPeople:FEST.
Shihemi në Kripore. +
